Hello
Dosto,
Ye Mere Bhai Ki Story hai jo Uske Sath Pesh Ayi Thi. Hum log Gaav Me Rehte Hai, Mera Bhai Job k Liye Gaav se Shahar 25-30 Km dur jaata tha, or Raat me der se ghar aata tha. Uske sath Uska Ek Dost bhi Hota Tha.
Jis road ki ye story hai waha se mera bhai or uska dost hamesha
aate jaate they, Lekin pehle kabhi kuch nhi hua. Us road k jis jagah ye
incident hua waha se 10-12 km tak koi gaav nahi hai. Ek week aisa hua k dono jab
bhi us road se raat me wapas aate to mere bhai ko raste ke kinaare ek
jagah pe Diya jalta najar aata tha. usne 2-3 bar to ignore kiya lekin jab har
roj najar aane laga to usne uske friend se kaha k Bhai yaha raat me diya kon
jalata hai? To uske dost ne kaha k "konsa diya? Mujhe koi Diya nahi dikh
raha." khair baat aayi gyi kr di. Mere Bhai Ne bhi Baat Ignore Kar
Di.
Ek Din Mera Bhai us raste se akela aa raha tha, uska dost us din uske sath nahi tha. Raat ke karib 10 ke aas paas ka waqt hoga. sunsaan road tha. na koi aage na koi piche. Dur Dur tak andhera faila hua tha. Sirf Bike ki light me jitna najar aa raha tha utni hi roshni thi. Raat me Chillane wale kide apni puri taakat se chilla rahe they, jisse mahol or bhi khaufnaak ho raha tha. Jese hi Mera Bhai us jagah par pahucha jaha diya jalta hua najar aata tha, to aaj waha diya nahi balki Ek Orat Khadi thi, Safed Saadi me. jiske pair jamin par nahi they, Balki wo hawa me latak rahi thi. Uske baal uske chehre par latak rahe they, chehra uska najar nahi aa raha tha. Mere bhai ne jab bike k light me usey dekha to dar gaya k itni raat ko is sunsan raste par koi orat kya kar rahi hai. khair wo darte darte bike aage lekar jaane laga. jese hi bike us orat ke paas pahuchi us orat ne jordar chikh maari or bhai pe attck kar diya. Bhai ki darr k maare haalat kharab ho gyi, usne bike speed se bhagadi. Road bahot hi kharab thi lekin us kharab road pe bhi bhai ne bike speed se chaladi, kahi to girte girte bacha. aagey jaake usne piche dekha to koi bhi nhi tha. wo orat gayab ho chuki thi. Kuch dur jaake ek gaav lagta hai, waha ek light ki roshni me bhai ruka thoda relax hua or fir ghar k taraf nikla. jese hi Ghar pahucha to ghar me aate hi gir gaya, mai apne room me tha, mai jaldi se bahar aaya or usey pucha k kya hua magar wo kuch bolne ki halat me nahi tha. Usey paani pilaya relax kiya to usne puri kahani batayi. Uske baad 2 Din tak wo job pe nahi gaya. Or us road se aana jana bhi band kar diya. Jis shahar me job karta tha wahi apne dosto k sath room lekar rehne laga. Sirf Sunday ko ghar aata tha. wo bhi dusre road se.
Mere bhai ko Perfume lagane ka bahot shauk tha. Itna
perfume lagata tha k jaha se gujarta waha perfume ki khushbu reh jati thi. Or
mene suna hai k Chudail, Jinn, Bhoot inhe perfume ki khushboo bahot pasand hoti
hai, shayad isiliye wo chudail mere bhai k piche pad gayi thi. khair ab to sab
thik hai. Bhai ka perfume use karna bahot kam kar diya hai. Raat me to bilkul
bhi use nahi krne dete.
To ye thi Mere Bhai Ki Aap Biti Kahani. Ummid Hai
Aapko Achhi Lagi Hogi. Aagey bhi Aise Kahaniya Aati Rahegi. Aap blog Visit
Karte Rahiyega. Agar Aap bhi apni koi story bhejna chahte hai to hamare E-Mail
id pe ya whats app number pe Likh kar Ya Apni awaaj me record krke bhej sakte
hai. aapke naam k sath story post ki jayegi.
Thanks For Reading My Story.
Bye Bye,
Take Care.
टिप्पणियाँ
एक टिप्पणी भेजें